Inicio -> Servicios Xenerales -> Portal de Compres. Información pa proveedores

Portal de Compres. Información pa proveedores

Dende'l mes de setiembre de 2014 el nuestru Ayuntamientu ta empezando a emitir los sos pidimientos de compra usando'l Portal de Compres Nessmeeting, en contrataciones como suministros d'oficina, suministros informáticos, materiales de ferretería y construcción, obres, servicios diversos, asistencies técniques...

Esti sistema va afectar namás a los contratos menores d'obres, servicios o suministros, según les definiciones d'estos daos pola llexislación vixente en materia de contratación del sector públicu. Anguaño son contratos menores aquellos que'l so valor determináu, calculáu d'acordies con dicha llexislación, nun pasen de 18.000 euros en suministros y servicios y de 50.000 euros n'obres.

Nessmeeting ye un portal de compres especializáu n'empreses y alministraciones públiques. L'usu d'esta ferramienta permítenos consiguir más tresparencia y más publicidá nos procesos de compra, lo que fomenta la igualdá d'oportunidaes asina como la realización de contrataciones competitives.

Pa recibir los posibles pidimientos de compra será preciso que los proveedores formalicen una alta nesta plataforma Neesmeeting, que notificará a les empreses daes d'alta na so base de datos a traviés de corréu electrónicu los pidimientos de compra del Ayuntamientu de Mieres, pudiendo darréu canalizar les sos ufiertes utilizando les ferramientes propies d'esti portal.

Pasos a siguir polos proveedores:

  • Pa dase d'alta tien d'entrar na páxina web www.nessmeeting.com y xenerar una alta como Nuevu Usuariu.
  • Al rellenar la ficha va ser necesario que s'activen como empresa o autónomu y especifiquen la opción VENDER.
  • Dientro d'ella tendrá d'escoyer l'actividá en que s'inscribe que será sobre la que va recibir pidimientos de compra.

En casu de dulda col procesu d'alta o nel casu de que disponga de más d'un sector d'actividaá, puen ponese en contactu col serviciu d'atención al cliente del Portal de Compres, nel númberu 985 744 974 (n'horariu de 9:30 a 14:30, los díes llaborables) o na dirección d'e-mail clientes@nessmeeting.com

///

Enllaz al Portal de Compres:

20 de Octubre de 2016

Ayuntamiento de Mieres-Centralita
Plaza de la Constitución s/n. 33600 Mieres (Asturias)
Teléfono: 985466111 | Fax:985464529
Correo electrónico: info@ayto-mieres.es