Inicio -> Servicios Xenerales -> Actes de Plenos, Estractos y Orde del día -> Qué ye la Sede Electrónica

Qué ye la Sede electrónica

La sede electrónica ye la dirección electrónica del Ayuntamientu de Mieres (https://sedeelectronica.ayto-mieres.es) a traviés de la que los ciudadanos y empreses puen exercer el so derechu d'accesu a la información, a los servicios y a los trámites electrónicos del Ayuntamientu.

La sede electrónica ye un espaciu de rellación col ciudadanu.

La Llei 11/2007, de 22 de xunu, d'Accesu Electrónicu de los Ciudadanos a los Servicios Públicos reconoz el derechu de los ciudadanos a rellacionase coles alministraciones públiques per medios electrónicos pal exerciciu de los derechos previstos nel artículu 35 de la Llei 30/1992.

La Llei 11/2007 establez que la sede electrónica ye aquella dirección electrónica disponible pa los ciudadanos a traviés de redes de telecomunicaciones que la so titularidá, xestión y alministración correspuende a una Alministración Pública, órganu o entidá alministrativa nel exerciciu de les sos competencies. Les sedes electróniques dispondrán de sistemes que permitan l'establecimientu de comunicaciones segures siempre que seyan necesaries.

L'establecimientu d'una sede electrónica conlleva la responsabilidá del titular al respective de la integridá, veracidá y actualización de la información y los servicios a los que puea accedese a traviés de la mesma. Tendrá  de garantizar la identificación de los medios disponibles pa la formulación de suxerencies y quexes.

Cada Alministración Pública determinará les condiciones y instrumentos de creación de les sedes electróniques, acordies colos principios de publicidá oficial, responsabilidá, calidá, seguridá, disponibilidá, accesibilidá, neutralidá y interoperabilidá.

La publicación nes sedes electróniques d'informaciones, servicios y transacciones respetará los principios d'accesibilidá y usabilidá acordies coles normes establecíes al respective, estándares abiertos y, nel so casu, aquellos otros que seyan d'usu xeneralizáu polos ciudadanos.

L'establecimientu de las sedes electróniques ta recoyíu nel artículu 10 de la Llei 11/2007.

La Sede electrónica entamará'l so funcionamientu de manera progresiva, conforme se vaya desplegando'l Plan d'Alministración Electrónica del Ayuntamientu.

Cualquier dulda o aclaración sobre la sede electrónica del Ayuntamientu de Mieres podrá  consultase na dirección de corréu electrónicu info@ayto-mieres.es o bien llamando al teléfonu 985466111.

12 de Febrero de 2015

Ayuntamiento de Mieres-Centralita
Plaza de la Constitución s/n. 33600 Mieres (Asturias)
Teléfono: 985466111 | Fax:985464529
Correo electrónico: info@ayto-mieres.es